Tótenshe jaǵdaılar vıtse-mınıstri aqmolalyq qutqarýshylardyń turmystyq jaǵdaıymen tanysty
ASTANA. KAZINFORM – Tótenshe jaǵdaılar vıtse-mınıstri Kegen Tursynbaev jumys saparymen Aqmola oblysyna bardy, dep habarlaıdy vedomstvonyń baspasóz qyzmeti.
Sapar aıasynda ol Býrabaı men Bulandy aýdandaryndaǵy órt sóndirý bólimderine baryp, qutqarýshylardyń jumysymen jáne turmystyq jaǵdaılarymen tanysty.
Kegen Tursynbaev Aqmola oblysy TJD aýmaqtyq bólimshelerin materıaldyq-tehnıkalyq qamtamasyz etýge erekshe nazar aýdardy. Tekserý qorytyndysy boıynsha ol birqatar naqty tapsyrmalar berdi.
M.Ǵabdýllın atyndaǵy Azamattyq qorǵaý akademııasyna da baryp, oqý ornynyń jańa basshysyn tanystyrdy. Polkovnık Jumabek Hasenov tárbıe jáne ıdeologııalyq jumysty uıymdastyrýda úlken tájirıbege ıe, qorǵanys mınıstrliginde túrli basshylyq qyzmetter atqardy.
Sonymen qatar sapar aıasynda vıtse-mınıstr TJ departamentiniń qyzmetkerlerimen kezdesti. Áńgimelesý barysynda óńirlik TJ departamentteri arasyndaǵy ózara is-qımyl, akademııa kýrsanttarynyń aldyn alý sııaqty is-sharalarda qoldanýǵa bolatyn áleýeti sııaqty máseleler kóterildi.
Sondaı-aq vıtse-mınıstr qyzmettik-áskerı tártipti baqylaýdy kúsheıtýge erekshe nazar aýdardy.
Buǵan deıin QR Tótenshe jaǵdaılar vıtse-mınıstri Kegen Tursynbaev Shyǵys Qazaqstan oblysyna jumys saparymen barǵany belgili boldy.
