Tótenshe jaǵdaılar vıtse-mınıstri ShQO-daǵy sý tasqynyna qarsy jumystardy tekserdi

ÓSKEMEN. QazAqparat – QR Tótenshe jaǵdaılar vıtse-mınıstri Marat Kúldikov Shyǵys Qazaqstanǵa jasaǵan jumys saparynda Semeı qalasyndaǵy sý tasqynyna qarsy jumystardyń barysymen tanysty, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, Prıstan, Mırnyı, Vostochnyı kentteri jáne Beıbitshilik aralynda 1026 turǵyny bar 254 úıdi jyl saıyn sý basady. Bıyl jergilikti atqarýshy organdar «Jumyspen qamtý jol kartasy» baǵdarlamasy sheńberinde jalpy uzyndyǵy 2566 metrdi quraıtyn jaǵalaýdy nyǵaıtý jumystaryn júrgizgen. Qazirgi ýaqytta jaǵalaýdy tazartý jumystary aıaqtalyp, temirbeton plıtalar tóselýde.

«Osylaısha, jergilikti turǵyndardyń qaýipsizdigi qamtamasyz etilip, 73 000-nan astam adamdy sýmen qamtamasyz etetin qudyqty sý basýyna jol berilmedi. Sondaı-aq Semeı qalasyna sapary barysynda vıtse-mınıstr órt sóndirý deposyna baryp, bólimshelerdiń jeke quramymen kezdesip, QR TJM №68303 áskerı bólimine baryp qaıtty», - delingen aqparatta.

Budan bólek, Marat Kúldikov Borodýlıha aýdany Novopokrovka aýylyna baryp, Jýra ózenin tereńdetý boıynsha atqarylyp jatqan jumystardy tekserdi.