Tótenshe jaǵdaılar salasynyń qyzmetkerleri qalyń qarǵa ombylaǵan 7 kólikti qutqardy
ASTANA. Qańtardyń 26-sy. QazAqparat - Tótenshe jaǵdaılar salasynyń ókilderi keshe, qańtardyń 25-i kúni Almaty oblysynyń Alakól aýdanyndaǵy «Úsharal-Dostyq» tas jolynyń boıynda júre almaı,
dalada qalǵan 7 avtokólikti qalyń qardan alyp shyqty. Bul týraly QazAqparat Tótenshe jaǵdaılar mınıstrliginiń baspasóz málimetterine silteme jasap habarlaıdy.
Atalmysh oqıǵanyń oryn alǵandyǵy jónindegi habar tótenshe jaǵdaılar qyzmetine 13 saǵat 50 mınýt shamasynda kelip túsken. Іzdestirý sharalarynyń barysynda tótenshe jaǵdaılar mınıstrliginiń ókilderi «Úsharal-Dostyq» tas jolynyń boıyndaǵy Jaıpaq jáne Yntaly aýyldarynyń arasynan 7 avtokólikti taýyp, olardy qardan tazartylǵan aımaqqa súırep shyǵarǵan. Qutqarý sharalaryna tótenshe jaǵdaılar salasynyń 4 qyzmetkeri men 1 tehnıka qatysyp, 22 adam evakýatsııalanǵan. Qutqarylǵandardyń ishinde úsik shalǵandary joq, bári din aman.
