Tótenshe jaǵdaılar mınıstrliginiń quramyna tórt komıtet kirýi múmkin
Mınıstrlik qurylǵan soń, Іshki ister mınıstrligine qarasty Tótenshe jaǵdaılar komıteti taratylady.
«Qazaqstan Respýblıkasy Tótenshe jaǵdaılar mınıstrliginiń vedomstvolary týraly» Qazaqstan Respýblıkasy Úkimeti qaýlysynyń jobasy portalda jarııa talqylaýǵa 17 qyrkúıekke sheıin shyǵaryldy.
«Qazaqstan Respýblıkasy Tótenshe jaǵdaılar mınıstrliginiń Órtke qarsy qyzmet komıteti;
Qazaqstan Respýblıkasy Tótenshe jaǵdaılar mınıstrliginiń Azamattyq qorǵanys jáne áskerı bólimderi jónindegi komıteti qurylsyn.
Qazaqstan Respýblıkasy Ulttyq ekonomıka mınıstrliginiń Memlekettik materıaldyq rezervter komıtetiniń ataýy Qazaqstan Respýblıkasy Tótenshe jaǵdaılar mınıstrliginiń Memlekettik materıaldyq rezervter komıteti ataýyna ózgertilsin.
Qazaqstan Respýblıkasy Indýstrııa jáne ınfraqurylymdyq damý mınıstrliginiń Indýstrıaldyq damý jáne ónerkásiptik qaýipsizdik komıtetin Qazaqstan Respýblıkasy Tótenshe jaǵdaılar mınıstrliginiń Ónerkásiptik qaýipsizdik komıtetine jáne Qazaqstan Respýblıkasy Indýstrııa jáne ınfraqurylymdyq damý mınıstrliginiń Indýstrıaldyq damý komıtetine bólý arqyly qaıta uıymdastyrsyn.
Qazaqstan Respýblıkasy Іshki ister mınıstrliginiń Tótenshe jaǵdaılar komıteti taratylsyn», delingen jobada.
Sonymen qatar, Іshki ister mınıstrligi men Indýstrııa jáne ınfraqurylymdyq damý mınıstrligi zańnamada belgilengen tártipte osy qaýlydan týyndaıtyn ózge de sharalardy qabyldaýy kerek.
Eske sala ketsek, QR Prezıdenti Qasym-Jomart Toqaev Qazaqstan halqyna Joldaýynda Tótenshe jaǵdaılar mınıstrligin qurýdy usyndy.
Al, Úkimet otyrysynda Іshki ister mınıstri Erlan Turǵymbaev Tótenshe jaǵdaılar mınıstrligin qaıta qurýǵa qatysty tıisti komıssııa jumysyn bastaıtynyn aıtty.