Tótenshe jaǵdaılar mınıstrliginiń 367 qyzmetkeri attestattaýdan ótti
ASTANA. 12 qyrkúıek. QazAqparat - «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Memleket basshysynyń Joldaýyn iske asyrý sheńberinde jáne «Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly»
Qazaqstan Respýblıkasy Prezıdentiniń Jarlyǵyn oryndaý úshin Qazaqstan Respýblıkasy Tótenshe jaǵdaılar mınıstrligi qajetti jumys júrgizýde. Bul týraly vedomstvo baspasóz qyzmeti habarlaıdy.
Olardyń taratqan aqparatyna qaraǵanda, Ortalyq attestattaý komıssııasynda kezekti attestattaýdan Mınıstrlik ortalyq apparatynyń, Órtke qarsy qyzmet komıtetiniń, «Respýblıkalyq daǵdarys ortalyǵy» MM, sondaı-aq Qazaqstan Respýblıkasy Tótenshe jaǵdaılar mınıstriniń nomenklatýrasyna jatatyn vedomstvolyq baǵynysty uıymdar men aýmaqtyq organdardyń 367 qyzmetkeri ótken.
Ortalyq attestattaý komıssııasynyń quramyna bólimsheler basshylary, ishki baqylaý jáne aýdıt, kadr jáne zań qyzmetteriniń ókilderi, sondaı-aq «Tótenshe jaǵdaılar jónindegi organdar ardagerleriniń keńesi» qoǵamdyq birlestiginiń tóraǵasy kirdi.
Ortalyq attestattaý komıssııasynyń jumysyna qatysýǵa qaýymdastyq jáne buqaralyq aqparat quraldarynyń ókilderi, atap aıtqanda, QR Parlament Májilisiniń depýtaty, «Nur Otan» Halyqtyq-demokratııalyq partııasynyń múshesi T. Ybyraev, «Nur Otan» HDP parlamentarızm ınstıtýty Sybaılas jemqorlyqqa qarsy ǵylymı-zertteý ortalyǵynyń basshysy, B. Áshıtov jáne «Kazahstanskaıa pravda» respýblıkalyq gazeti bas redaktorynyń orynbasary S. Moldybaev tartyldy.
