Tótenshe jaǵdaılar mınıstrliginde shtat sanyn qysqartý qarashanyń 1-ine deıin aıaqtalady
STANA. Qazannyń 14-i. QazAqparat /Marlan Jıembaı/ - Elimizdiń Tótenshe jaǵdaılar mınıstrliginde shtat sanyn qysqartý qarashanyń 1-ine deıin aıaqtalady. Bul týraly búgin BNews.kz portalynda ótken onlaın-konferentsııa barysynda QR Tótenshe jaǵdaılar mınıstri V.Bojko málim etti.
«Elbasynyń tapsyrmasyna sáıkes, mınıstrliktiń órt sóndirý jáne áskerı bólimsheleri qysqartylmaıdy. Al qalǵan bólimsheler, atap aıtqanda oblystyq departamentter, qutqarý bólimsheleri, sýda qutqarý qyzmeti 2-3 adamnan qysqartylatyn bolady. Biz bul sharany oryndaımyz», - dedi mınıstr.
Onyń atap ótýinshe, qutqarýshylardy qysqartýǵa qatysty barlyq máseleler qarashanyń 1-ine deıin tolyǵymen sheshilmek.
Aıta keteıik. Memleket basshysy N.Nazarbaevtyń «Memlekettik bıýdjettiń jáne Qazaqstan Respýblıkasy Ulttyq bankiniń smetasynyń (bıýdjeti) esebinen ustalatyn organdardyń shtattyq sanyn ońtaılandyrý jónindegi sharalar týraly» Jarlyǵyna sáıkes memlekettik bıýdjettiń jáne Ulttyq bank smetasynyń (bıýdjeti) qarjysy esebinen ustalatyn organdardyń shtattyq sany, quqyq qorǵaýshy jáne sot organdaryn qosqanda, 15 paıyzǵa qysqartylady. Jarlyqty júzege asyrýdyń nátıjesinde jalpy respýblıka boıynsha atalǵan organdardyń shtattyq sandarynyń lımıti 26 myń birlikten astamǵa azaıady.
