Tótenshe jaǵdaılar mınıstrliginde memlekettik satyp alýda qamtylǵan qyzmettiń 91,9 paıyzy - qazaqstandyq
ALMATY. Qazannyń 21-i. QazAqparat /Erlik Erjanuly/ - Tótenshe jaǵdaılar mınıstrligindegi memlekettik satyp alýdyń 9 aıdaǵy qorytyndysy boıynsha taýar, jumys pen qyzmettegi qazaqstandyq qamtý kólemi belgili boldy. Bul týraly búgin Almatyda ótken "Jeńil ónerkásiptegi qazaqstandyq úles" dep atalatyn konferentsııada aıtyldy.
Mınıstrliktiń Materıaldyq-tehnıkalyq qamtamasyz etý departamentiniń Memlekettik satyp alý basqarmasynyń sarapshysy Áıgerim Maratovanyń aıtýynsha, qazaqstandyq qamtý taýarlarda - 62,2 paıyz, jumystarda - 88,3 paıyzdy, qyzmetterde - 91,9 paıyzdy qurady. Memlekettik satyp alý formalyq kıim-keshekte 100 paıyz boldy. Aqshaǵa shaqqanda bul 290 mıllıon 352 myń 456 teńgeni quraıdy.
Mınıstrlik aldaǵy 2011-2012 jyldary da formalyq kıim-keshekke 1 mıllıon teńgeden bólmek. Jalpy taýar satyp alýda eń kóp qarjy órt sóndirý tehnıkalaryna bólinbek. Oǵan da 2011-2012 jyldary 2 mıllıonnan astam teńgeden qarastyrylyp otyr.
