Tótenshe jaǵdaılar mınıstrligin qaıta qurýǵa arnalǵan komıssııa jumysyn bastaıdy

NUR-SULTAN. QazAqparat - Іshki ister mınıstri Erlan Turǵymbaev Tótenshe jaǵdaılar mınıstrligin qaıta qurýǵa qatysty tıisti komıssııa jumysyn bastaıtynyn aıtty, dep habarlaıdy QazAqparat tilshisi.

«Memleket basshysy halyqqa Joldaýynda quqyq qorǵaý salasyndaǵy reforma máselesin qozǵady. Onyń ishinde polıtsııaǵa qajet basty baǵyttardy atap ótti. Birinshiden, Tótenshe jaǵdaılar mınıstrligin qaıta qurý aıtyldy. Bul boıynsha materıaldyq zattardy berý jáne kadr máselesin sheshý úshin tıisti komıssııa qurylady. Sodan soń, respýblıkalyq bıýdjetke naqtylaýǵa usynys jasaımyz», - dedi mınıstr Úkimet otyrysynda.

Aıta keteıik, Prezıdent Joldaýynda Tótenshe jaǵdaılar mınıstrligin qurýdy usyndy.

«ІІM qurylymyn beıindi emes fýnktsııalardan bosatyp, qaıta qarastyrý qajet. Bul osy mańyzdy vedomstvo jumysynyń tıimdiligin arttyrady. Tabıǵı jáne tehnogendik apattar dáýirine engenimizdi eskere otyryp, Tótenshe jaǵdaılar mınıstrligin qaıta qurý qajet dep sanaımyn», - dedi Prezıdent.