Tótenshe jaǵdaılar mınıstrligi sý basý qaýpi joǵary aımaqtardy atady

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın bıylǵy kóktemde sý basý qaýpi bar aımaqtardy atady, dep habarlaıdy QazAqparat.

«Jaýǵan qardyń mólsherin, topyraqtyń kúzgi ylǵaldanýyn, topyraqtyń qatý tereńdigin taldaı otyryp, sondaı-aq qar astynda muz qabyǵynyń bolýyn eskere otyryp, sý tasqyny qaýpi bar aımaqtar anyqtaldy.

Táýekeli joǵary óńirlerge: Aqmola, Shyǵys Qazaqstan, Qaraǵandy, Qostanaı jáne Soltústik Qazaqstan oblystary jatady.

Táýekeli ortasha aımaqtarǵa: Aqtóbe, Almaty, Jambyl, Batys Qazaqstan, Pavlodar jáne Túrkistan oblystary kiredi», - dedi vedomstvo basshysy.

Aıtýynsha, kúnniń kúrt jylynýy, qardyń qarqyndy erýi, tolassyz jaýyn-shashyn sııaqty qubylystar atalǵan aımaqtardaǵy jaǵdaıdy kúrdelendirýi múmkin.

«1 naýryzdan keıin «Qazgıdromet» RMK naqty boljam usynatyn bolady, sony eskere otyryp, biz ýaqtyly jetkizý úshin mınıstrliktiń kúshteri men quraldar toptamasyn túzetemiz jáne qajet bolǵan jaǵdaıda rezervtik toptardy qoldanysqa engizemiz», - dedi Tótenshe jaǵdaılar mınıstri.