Tótenshe jaǵdaılar mınıstrligi shoqyný merekesine oraı qaýipsizdik sharalaryn qolǵa alýda
ASTANA. 17 qańtar. QazAqparat - Qańtardyń aldaǵy 19-y kúni pravoslav hrıstıandary shoqyný merekesin atap ótedi.
Dástúrge sáıkes bul kúni olar sýaıdyndaǵy muzdy oıyp, sýǵa túsedi. Osyǵan oraı, Tótenshe jaǵdaılar mınıstrligi bólimsheleriniń qyzmetkerleri atalǵan mereke qarsańynda muzdaı sýda túsýdiń qaýipsizdik sharalaryn túsindirýde. Jergilikti atqarý organdary sýǵa túsýge ázirlengen oryndardy qajetti qaýipsizdik jabdyqtarymen qamtamasyz etti.
TJM baspasóz qyzmetiniń málimetinshe, sol kúni azamattardyń qaýipsizdigin qamtamasyz etý maqsatynda el óńirlerindegi Tótenshe jaǵdaılar departamentteriniń sýda qutqarý qyzmetteri kezekshilikti atqaratyn bolady.
Mamandardyń eskertýine qaraǵanda, muz betinde ázirlengen oryndarda sýǵa 1-2 mınýttan arttyq túsýge bolmaıdy. Sonymen qatar, adam denesindegi jylýdy saqtaý úshin maıly krem jaǵyp, as qasyqpen balyq maıyn ishý kerek. Sýǵa túskennen keıin deneni jaqsylap qurǵatyp súrtkennen soń, kıiný qajet. Spırttik ishimdikti paıdalanǵan adamdarǵa sýǵa túsýge bolmaıdy. Munymen qosa, osy rásim kezindegi aıazdy kúni muzdaı sýǵa túsý - tek shynyqqan adamdarǵa ǵana paıdaly.
Osy turǵyda, Tótenshe jaǵdaılar mınıstrligi barlyq qaýipsizdik sharalaryn saqtaýdy eskertedi.
