Tótenshe jaǵdaılar mınıstrligi men munaı óndiretin kompanııalar arasynda qandaı da bir sheshilmeıtin másele joq - V. Bojko
ASTANA. Qazannyń 6-sy. QazAqparat /Rýslan Ǵabbasov/ - Tótenshe jaǵdaılar mınıstrligi men munaı óndiretin kompanııalar arasynda qandaı da bir sheshilmeıtin másele joq. Bul týraly búgin Astanada Táýelsizdik saraıynda «KAZENERGY» besinshi eýrazııalyq forýmynyń aıasynda «Energetıka jáne klımattyń ózgerýi» máselesi boıynsha ótken baspasóz máslıhatynda Tótenshe jaǵdaılar mınıstri Vladımır Bojko málim etti.
«Tóteshe jaǵdaılar mınıstrligi men munaı óndiretin kompanııalar arasynda qandaıda bir sheshilmeıtin másele joq. Atap aıtqanda, biz ken ornyn paıdalanýdaǵy qaýipsizdik erejesin mindetti túrde oryndaý negizinde ózara kelisimge qol jetkizýdemiz», - dep atap ótti mınıstr.
Vedomstvo basshysynyń sózine qaraǵanda, Tótenshe jaǵdaılar mınıstrligi óziniń Ónerkásiptik qaýipsizdik komıteti arqyly ken ornynda júrgiziletin jumystyń barysyn qadaǵalaýdy iske asyrady. «Biz josparly tekserýlerdi júzege asyramyz. Mınıstrlik qazirgi normatıvtik jáne tehnıkalyq qaýipsizdik erejeleri oryndalmaǵan kezde eskertý jasaıdy jáne bul kemshilikter ýaqytyly túzetilýde», - dedi V. Bojko.
