Tótenshe jaǵdaılar mınıstrligi bólimshelerine qosymsha qarajat bólý tapsyrmasy óńirlerge júkteldi

ASTANA. QazAqparat – Tótenshe jaǵdaılar mınıstrligi bólimshelerine qosymsha qarajat bólý týraly tapsyrma óńirlerge júkteldi. Bul týraly QR Premer-Mınıstriniń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Bul saladaǵy esep-qısapty taǵy bir qarap shyǵý kerek. Tótenshe jaǵdaılar mınıstrligi osy sala qyzmetkerleriniń jalaqysyn kóterý bıýdjetke qosymsha qandaı júkteme túsiretini týraly esepteýlerdi ázirge usynbady», - dedi E. Jamaýbaev Májilistiń jalpy otyrysynan keıin tilshiler saýalyna jaýap bere otyryp.

Onyń aıtýynsha, tótenshe jaǵdaılar máselesine qatysty Úkimet basshysy tıisti tapsyrma bergen.

«Búgin Úkimet otyrysynda Premer-Mınıstr jergilikti atqarýshy organdarǵa qajet bolǵan jaǵdaıda qosymsha qarajat bólýdi tapsyrdy. Bul turǵyda bólinetin qarajat somasy týraly naqty aıta almaımyn. Sebebi óńirlerde qarastyralatyn qarajat birkelki somada bolady», - mınıstr.