Tótenshe jaǵdaılar mınıstrligi Azamattyq qorǵanys týraly zań jobasyn ázirledi
ASTANA. 15 qarasha. QazAqparat /Qanat Mámetqazyuly/ -Tótenshe jaǵdaılar mınıstrligi elimizdiń Azamattyq qorǵanysy týraly zań jobasyn ázirledi. Qujat kelisi jyly Parlamentke engiziledi. Búgin QR Parlamenti Májilisindegi Úkimet bul týraly Tótenshe jaǵdaılar mınıstri Vladımır Bojko aıtty.
«Atalǵan zań jobasy Azamattyq qorǵanys, ónerkásiptik qaýipsizdik pen órt qaýipsizdigi, memlekettik materıaldyq rezervter men apattyq-qutqarý qyzmetteri júıleri salasyndaǵy barlyq zańnamalyq talaptardy biriktirýge jáne retke keltirýge baǵyttalady», - dedi V. Bojko.
Sonymen qatar, mınıstr aldaǵy ýaqytta Azamattyq qorǵanys júıesi men ony damytý perspektıvasyna erekshe nazar aýdarylatynyn da jetkizdi. Máselen, Azamattyq qorǵanysty uıymdastyrý jáne júrgizý - memlekettiń mańyzdy fýnktsııalarynyń biri ekendigi eskerile otyryp, ortalyq, jergilikti atqarýshy organdardyń birinshi basshylarynyń osy saladaǵy jumysty uıymdastyrýyna tikeleı ári jeke jaýapkershiligi belgilengen.
«Sonymen qatar, mınıstrlik elimizdiń Azamattyq qorǵanysynyń jańa josparyn Úkimetke usyndy, qazir kelisý rásimderi júrgizilip jatyr. Budan bólek, «Yqtımal jer silkinisi aımaqtarynda qutqarý jáne ózge de kezek kúttirmeıtin jumystardy uıymdastyrý men ótkizý týraly» Úkimet qaýlysynyń jorbasyn ázirlep jatyrmyz», - dedi V. Bojko.
