Tótenshe jaǵdaılar mınıstri WhatsApp-nómirin jarııalady

ASTANA. QazAqparat –WhatsApp messendjerinde Tótenshe jaǵdaılar mınıstri Syrym Sháriphanovtiń vedomstvonyń jeke quramyna arnalǵan telefon nómiri iske qosyldy. Mınıstrmen tikeleı baılanys jelisi 4 qyrkúıekte jumysyn bastady, dep habarlaıdy QazAqparat.

«Tótenshe jaǵdaılar mınıstrliginiń aýmaqtyq bólimsheleriniń, vedomstvolyq baǵynysty uıymdarynyń qyzmetkerleri, sonymen qatar azamattyq qorǵaý organdarynyń ardagerleri óz suraqtaryn + 7 747 651 75 88 nómiri boıynsha mınıstrge tikeleı joldaı alady.

Suraq máseleniń túpki negizin kórsetetin naqty jáne túsinikti bolýy qajet. Habarlamany jibergen kezde ózi týraly derekterdi: aty-jóni men laýazymyn, turǵylyqty óńirdi kórsetý mańyzdy», - delingen TJM málimetinde.