Tótenshe jaǵdaılar mınıstri órt sóndirý tehnıkasyn jańartýdy surady

NUR-SULTAN. QazAqparat – Búgin Úkimet otyrysynda QR Tótenshe jaǵdaılar mınıstri ıÝrıı Ilın óńirlerde órt sóndirý tehnıkasyn jańartýdy surady, dep habarlaıdy QazAqparat tilshisi.

«Eldi mekenderdi qorǵaýdy qamtamasyz etýdiń mańyzdy quramdas bóligi TJM bólimsheleriniń tehnıkalyq ázirligine baılanysty ekenin atap ótkim keledi. 2018-2020 jyldarǵa arnalǵan tıisti jol kartasyn iske asyrý jaraqtandyrý deńgeıin 40-tan 52 paıyzǵa deıin jetkizýge múmkindik berdi», - dedi mınıstr.

Onyń aıtýynsha, úsh jyl ishinde respýblıkalyq jáne jergilikti bıýdjet esebinen 645 tehnıka satyp alyndy (27,1 mlrd teńge).

«Osy múmkindikti paıdalana otyryp Shymkent, Almaty jáne Nur-Sultan qalalary, sondaı-aq Qaraǵandy jáne Almaty oblystary ákimderiniń qoldaýyn atap ótkim keledi.

Qyzylorda jáne Shyǵys Qazaqstan oblystarynyń belsendiligi tómendeý, al Magnıstaý oblysynyń ákimdigi kórsetilgen kezeńde birde-bir tehnıka satyp alǵan joq», - dedi ıÝ. Ilın.

«Qol jetkizilgen kórsetkishterge qaramastan, jyl saıynǵy esepten shyǵarýǵa jatatyn eski órt tehnıkasy parkin jańartý talap etiledi. Osyǵan baılanysty, Qarjy mınıstrligimen jáne ákimdiktermen birlesip, aldaǵy úsh jylǵy kezeńge (2021-2023 jyldar) arnalǵan jol kartasyn ázirleý júrgizilýde», - dedi vedomstvo basshysy.

Búdan buryn habarlanǵandaı, elimizde 10 myńnan astam úıde órt qaýipsizdigi qaǵıdasy saqtalmaǵan. Sonymen qatar mınıstr birqatar órt sóndirý bólimderi eldi mekenderden qashyqta ornalasqanyn aıtty.