Tótenshe jaǵdaılar mınıstri qutqarýshylardy Otan qorǵaýshy kúnimen quttyqtady
ASTANA. 7 mamyr. QazAqparat - Búgin Tótenshe jaǵdaılar mınıstri Vladımır Bojko tótenshe jaǵdaılar salasynyń ókilderin Otan qorǵaýshy kúnimen jáne QR Qarýly Kúshteriniń 20 jyldyǵymen quttyqtady.
Mınıstrdiń quttyqtaýyn búgin arnaıy saltanatty shara barysynda Tótenshe jaǵdaılar vıtse-mınıstri Valerıı Petrov oqyp berdi.
«Búgin úlken mereke. Osy kúni biz elimizdiń qaýipsizdigin nyǵaıtyp, onyń bolashaǵy jolynda ter tókken er azamattarǵa qurmet kórsetemiz. Tótenshe jaǵdaılar salasynyń qyzmetkerleri jeke bastaryn táýekelge tige otyryp, myńdaǵan jandardy túrli apattar men qaýip-qaterlerden saqtap keldi jáne solaı bola bermek. Qutqarýshylardyń óz qyzmetterine degen osyndaı adaldyǵy men olardyń joǵary kásibı biliktiligi, erjúrektigi qazaqstandyqtardyń óz Otanynda ózderin emin-erkin sezinip, alańsyz ómir súrýlerine jaǵdaı jasap otyr»,-delingen mınıstrdiń quttyqtaýynda.
Vedomstvo basshysy saltanatty jıyn barysynda tótenshe jaǵdaılar mınıstrliginiń úzdik qyzmetkerlerine memlekettik nagradalardy tabys etti.
