Tótenshe jaǵdaılar mınıstri Almaty oblysynyń turǵyndaryn marapattady
TALDYQORǴAN. 24 jeltoqsan. QazAqparat /Sandýǵash Dúısenova/ - Tótenshe jaǵdaılar mınıstri Vladımır Bojko Aqsý aýdanyndaǵy qutqarý jumystaryna atsalysqan Almaty oblysynyń turǵyndaryn marapattady.
Nagrada alǵandardyń qatarynda - sý tasqynynan keıin dereý qyzmetine kirisken Qyzylaǵash aýylynyń jańa ákimi Sáýle Amıtova bar. Mınıstr ákimdi «Qutqarý sharalaryna belsendi atsalysqany úshin» tósbelgisimen mararattady. Al apatqa ushyraǵan qyzylaǵashtyqtardy óz júk kóligimen qaýipsiz jerge sońyna deıin kóshirgen júrgizýshi Qazbek Sepsýev «Tótenshe jaǵdaı kezinde kórsetken erligi úshin» medalimen marapattaldy. Apattyń saldaryn joıýǵa jumyldyrylǵan oblystyq basqarmalardyń basshylary da nagradaǵa usynyldy.
Esterińizge sala keteıik, aǵymdaǵy jyldyń naýryz aıynda bógettiń buzylýy saldarynan Qyzylaǵash aýylyn tolyq, Aqtoǵan jáne Eginsý aýyldaryn jartylaı sý shaıyp ketken bolatyn, kisi qurbandyqtary da oryn alyp edi. Eldi mekender qysqa merzimniń ishinde, 4 aıdyń ishinde tolyq qalpyna keltirildi.
«Tótenshe jaǵdaılar, ishki ister departamentteriniń qyzmetkerleri, jergilikti bılik ókilderi sol bir qaıǵyly kúnderi tabandylyq, yntymaqtastyq tanytty, apattyń saldaryn joıýǵa bar kúshterin saldy. Eń mańyzdysy sol, qysqa merzimniń ishinde halyqtyń barlyq problemalaryn sheshý, olardy barlyq qajetti nárselermen qamtamasyz etý kerek boldy, jáne ol sizderdiń qoldaryńyzdan keldi», - dedi mınıstr V.Bojko óz sózinde.
