Tótenshe jaǵdaılar mınıstri «Abaı» shahtasyndaǵy apatqa qatysty pikir bildirdi
NUR-SULTAN. QazAqparat – Búgin «Abaı» shahtasynda apat bolǵan jerdegi úıindini tazartý jumystary aıaqtalady. Bul týraly Senatta ónerkásiptik qaýipsizdikti qamtamasyz etý taqyrybyndaǵy Úkimet saǵatynda QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.
Onyń aıtýynsha, retteý júıesindegi qaıta-qaıta jasalǵan reformalar men bıznes úshin talaptardy qysqartý boıynsha qadamdar ónerkásiptik qaýipsizdik salasynda memlekettik retteý jumystaryn álsirete tústi. Osy oraıda ónerkásiptik tártip deńgeıi tómendep, óndiristerde tehnogendik apattar sany ósti.
«Buǵan 7 qarashadaǵy «ArselorMıttal Temirtaý» AQ Kómir departamentiniń «Abaı» shahtasyndaǵy qaıǵyly oqıǵa mysal bola alady. ıAǵnı onda metannyń taraýyna baılanysty apattan 6 kenshi qaza tapty. Búginde atalǵan kómir razrezinde jumystar ýaqytsha toqtatyldy, ol jerdi memlekettik komıssııa tekserip jatyr. Belgili bolǵandaı, bir mezgilde shahtada 8 myń tekshe metrden astam metan taraǵan», - dedi mınıstr.
Apat kezinde 100 tonnadan astam taý-ken massasy úıindisi túsken.
«Qazirgi kezde úıindini tazartý jumystary jalǵasyp jatyr. Meniń oıymsha, búgin keshke qaraı bul jumystar aıaqtalady. Qazir ótip jatqan Úkimet saǵatynan keıin, komıssııa tóraǵasy retinde oqıǵa ornyna (shahtaǵa) baramyn. Osy oraıda atalǵan apattyń bolýy sebepterin anyqtaý jumystary júredi», - dedi ıÝrıı Ilın.
Eske salaıyq, 7 qarasha kúni saǵat 08:24-te «ArselorMıttal Temirtaý» AQ Kómir departamentiniń «Abaı» shahtasynda metan gazy taraı bastaǵan. Bul ýaqytta shahtada 64 adam jumys istep jatqan, 54-i evakýatsııalandy. Apat saldarynan eki adam zardap shegip, alty kenshi qaza tapty.
