Tótenshe jaǵdaılar mınıstri sybaılas jemqorlyqtyń aldyn alýǵa qatysty qoǵamǵa úndeý joldady
Tótenshe jaǵdaılar mınıstri Syrym Sháriphanov sybaılas jemqorlyqtyń aldyn alýǵa qatysty qoǵamǵa úndeý joldady, dep habarlaıdy Kazinform mınıstrliktiń baspasóz qyzmetine silteme jasap.
Tótenshe jaǵdaılar mınıstrligi ashyq jumys formatyna kóshti. Mınıstrlikte júrgizilip jatqan transformatsııanyń basty baǵyttarynyń biri – jeke quramnyń ıdeologııalyq jáne tárbıe jumysyn uıymdastyrý.
«Bizdiń qyzmetkerlerimizdiń 99,9%-y óz ómiri men densaýlyǵyn qaýip-qaterge tigip, óz qyzmetin adal jáne abyroımen atqaratyn adamdar ekenin maqtan tutamyn. Alaıda qatarymyzda teris pıǵyldy qyzmetkerler de bolýy múmkin ekenin moıyndaımyn. TJM azamattyq qorǵaý organdaryndaǵy sybaılas jemqorlyqtyń aldyn alatyn bolady. Sizderdi bizdiń qatarymyzdaǵy sybaılas jemqorlyqqa qarsy profılaktıkaǵa qatysýǵa shaqyramyn. Eger siz Tótenshe jaǵdaılar mınıstrliginiń qatarynda qandaı da bir sybaılas jemqorlyq týraly baıqasańyz, bizge mindetti túrde habarlańyz. Biz adamdarǵa kómekke kelemiz. Sondyqtan qoǵamnyń bizge degen senimi basymdyqqa ıe. Adamdardy qutqarýdyń ıgi isinde sybaılas jemqorlyqqa jol berilmeıdi», - dedi mınıstr.
