Tótenshe jaǵdaılar mınıstri referendýmda daýys berdi
ASTANA. KAZINFORM – QR Tótenshe jaǵdaılar mınıstri Shyńǵys Árinov jańa Konstıtýtsııa jobasy boıynsha referendýmda daýys berdi.
Mınıstr QR Prezıdenttik ortalyǵyndaǵy №176 referendým ýchaskesine kelip, elorda turǵyndarymen birge respýblıkalyq referendýmda óz tańdaýyn jasady.
№176 referendým ýchaskesiniń komıssııa tóraǵasy Asyl Kóshkimbaevanyń sózine qaraǵanda, bul ýchaskede 2630 daýys berýshi tirkelgen.
- Búgin tańǵy saǵat 7:00-de ýchaskemiz baıqaýshylardyń qatysýymen ashyldy. Respýblıkalyq referendýmǵa tolyq daıynbyz. Turǵyndar kelip daýys berip jatyr, - dedi ol.
Aıta keteıik, búgin Qazaqstanda jańa Ata Zańnyń jobasy boıynsha jalpyulttyq referendým bastaldy.
Bıyl 12 aqpanda Qazaqstan Respýblıkasynyń jańa Ata Zańynyń qorytyndy jobasy jarııalandy.
Memleket basshysy 2026 jylǵy 15 naýryzda respýblıkalyq referendým ótkizý týraly Jarlyqqa qol qoıdy.
Respýblıkalyq referendýmda berilgen bıýlletende «Jobasy buqaralyq aqparat quraldarynda 2026 jylǵy 12 aqpanda jarııalanǵan Qazaqstan Respýblıkasynyń jańa Konstıtýtsııasyn qabyldaısyz ba?» degen saýal qoıylady.