Tótenshe jaǵdaılar mınıstri Maıqaıyńǵa qashan barady

ASTANA. KAZINFORM – QR Tótenshe jaǵdaılar mınıstri Shyńǵys Árinov «Maıqaıyńaltyn» ken ornyndaǵy qazirgi ahýaldy baıandady.

4 qańtar kúni «Maıqaıyńaltyn» ken ornynda úlken oıyq mańyndaǵy topyraq opyrylyp, 4 adam mingen avtobýs jer astyna túsip ketken bolatyn. Eki adam qaıtys bolyp, eki adam áli tabylmady.

«Qazir izdeý jumystaryn júrgizý úshin táýekelderdi baǵalaý boıynsha saraptama júrgizilýde, óıtkeni opyrylý qaýpi áli de bar. Biz tiri adamdardy – qutqarýshylardy joǵaltýymyz múmkin. Sondyqtan, shamamen 30 naýryzǵa deıin (saraptama) aıaqtalady jáne biz izdeý jumystaryn nemese jalpy jumysty qaıta bastaý týraly qosymsha sheshim qabyldaımyz», - dedi mınıstr Úkimet úıinde ótken baspasóz máslıhatynda. 

Aqpan aıynyń basynda Shyńǵys Árinov «Maıqaıyńaltyn» kenishine mindetti túrde baratynyn aıtqan edi. 

«Ol josparda bar. Jaqynda ońtústik óńirlerdi aralap shyqtym. Almatyny araladym, Aqmola oblysynda boldym. Aldaǵy 1-2 aptada Maıqaıyńǵa baramyn», - dep jaýap berdi TJ mınıstri tilshi suraǵyna. 

Sondaı-aq, búgin QR TJM ónerkásiptik qaýipsizdik komıteti tóraǵasynyń orynbasary Musa Tanabaev «Maıqaıyńaltyn» AQ kásipornynyń baıytý fabrıkasy qandaı jaǵdaıda jumysyn jalǵastyratynyn aıtty.

19 aqpanda «Maıqaıyńaltynǵa» qarasty ken baıytý fabrıkasy 1 sáýirge deıin jumysyn toqtatqan edi.