Tótenshe jaǵdaılar mınıstri: Qaýipsizdik saqtamaǵan shahtalardy jabýymyz múmkin

ASTANA. KAZINFORM – Tótenshe jaǵdaılar mınıstri Shyńǵys Árinov eńbek qaýipsizdigin saqtamaǵan shahtalar mınıstrliktiń eskertýlerine qulaq aspasa, jaýyp tastaıtyndaryn málim etti.

- Shahtada bolatyn tótenshe jaǵdaılardyń negizgi sebebi – jabdyqtyń tozýy. Buryn jabdyqty tekserýge múmkindik bolǵan joq. Tekserý josparlaryn bekite almaıtynbyz. Qazirgi tańda bizdiń qyzmetkerler reglamenttiń bárin tekserip, qadaǵalaıtyn bolady. Al talaptardy oryndamaǵan kezde kásiporyndy jaýyp tastaýǵa deıingi búkil múmkindik bar. Birinshi talap – jabdyqtardyń sáıkes bolýy. Odan keıin tehnıkanyń, mamandardyń sáıkes bolýy. Sonyń bárinde tekserý ótkizip, ónerkásip qaýipsizdiginiń qyzmetkerleri uıǵarym, - dedi.

Mınıstr ázirge zańnamanyń ol tetigi eshbir shahtaǵa qoldanylmaǵanyn aıtty.

- Biz kásiporyndardyń jumysyn toqtatpaý úshin barlyq jaǵdaıdy jasaımyz. Jumys toqtaǵan kezde qandaı shyǵyndar bolýy múmkin ekenin, onyń áleýmettik jaǵymsyz áseri bolýy múmkin, - dedi Shyńǵys Árinov.

Qazaqstan shahtalarynyń qaýipsizdigin robot ıt tekserýi múmkin.