Tótenshe jaǵdaılar qyzmetkerleri ushaq apatynan zardap shekkenderge qan tapsyrdy
NUR-SULTAN. QazAqparat - Tótenshe jaǵdaılar qyzmetkerleri ushaq apatynan zardap shekkenderge qan tapsyrdy, dep habarlaıdy QazAqparat.
«Almaty qalalyq tótenshe jaǵdaılar departamentiniń qyzmetkerleri de shet qalmaı, ózge de qyzmettermen birge ushaq apatynan zardap shekkender úshin «Qalalyq qan ortalyǵy» sharýashylyq júrgizý quqyǵyndaǵy memlekettik kommýnaldyq kásipornynda qan tapsyrdy», - delingen QR ІІM Tótenshe jaǵdaılar komıtetiniń baspasóz qyzmeti taratqan aqparatta.
Aıta keteıik, búgin tańerteń Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshy men 5 ekıpaj múshesi bar ushaqtyń apatqa ushyraǵany málim boldy. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi. Elbasy Nursultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
QR DSM ushaq apatynan zardap shekkenderge medıtsınalyq kómek kórsetý úshin resýrstar jetkilikti ekenin, qan tapsyrýdyń qajeti joq ekenin málimdedi.
