Tótenshe jaǵdaılar qyzmetkerleri para alý kúdigine ilikti

NUR-SULTAN. QazAqparat – Qyrkúıek aıynda elimizdiń birqatar óńirinde QR Іshki ister mınıstrliginiń tótenshe jaǵdaılar bólimsheleri qyzmetkerlerine qatysty sotqa deıingi tergeý amaldary bastaldy. Bul jaıynda QR Sybaılas jemqorlyqqa qarsy is-qımyl agenttiginen málim etti, dep habarlaıdy QazAqparat.

Atap aıtqanda, Almaty qalalyq sybaılas jemqorlyqqa qarsy is-qımyl qyzmeti qalalyq TJD Naýryzbaı aýdandyq bóliminiń bastyǵy, azamattyq qorǵanys podpolkovnıgine qatysty sotqa deıingi tergeý amaldaryn júrgizip jatyr. Ol 28 jeke tulǵany órt qaýipsizdigine oqytý hattamasyna kedergisiz qol qoıǵany úshin 42 myń teńge para alý kúdigine ilikken.

Al Jambyl oblystyq sybaılas jemqorlyqqa qarsy qyzmet oblystyq PD Ózindik qaýipsizdik basqarmasymen jáne QR UQK Áskerı qarsy barlaý bólimimen birge oblystyq TJD Merke aýdandyq tótenshe jaǵdaılar bóliminiń aǵa ınjenerin para alý kúdigimen ustaǵan.

«Ol shekara zastavasy bastyǵynan tekserý barysynda anyqtalǵan órt qaýipsizdigi normalarynyń buzýshylyǵyna salynatynn aıyppul kólemin tómendetkeni úshin 140 myń teńge para alý kúdigine iligip otyr», - delingen agenttik aqparatynda.

Buǵan deıin QR Tótenshe jaǵdaılar komıteti «Seldenqorǵaý Qurylys» respýblıkalyq memlekettik mekemesiniń dırektory para alýǵa árekettengeni úshin qamaýǵa alynǵanyn habarlaǵan edik.