Tótenshe jaǵdaılar qyzmetkeri qaıǵyly jaǵdaıdyń aldyn alyp, ózi jaraqattandy
NUR-SULTAN. QazAqparat – Pavlodarda Tótenshe jaǵdaılar departamentiniń qyzmetkeri gazy shyǵyp turǵan ballondy úıden alyp shyǵý kezinde jaraqattandy. Bul týraly QR TJM resmı ókili Talǵat Ýálı habarlady.
26 qazan kúni saǵat 19.33-te Pavlodar qalasynyń TJ basqarmasyna Pavlodar qalasy ákimdiginiń ókilinen Ýálıhanov kóshesi 36 mekenjaıynda gazdyń shyǵyp jatqany týraly habarlama kelip tústi.
TJD Daǵdarys jaǵdaılarynda baq sarý basqarmasyna úı ıesinen saǵat 19.45-te habarlama kelip tústi. Osy ýaqytqa deıin Pavlodar qalasy TJ basqarmasynyń qyzmetkeri Sabyrjan Tastembekov atalǵan mekenjaıǵa bardy. Kelgennen keıin ventıldiń jaramsyzdyǵynan gazdyń shyǵyp jatqany anyqtaldy. Jarylys qaýpi bolǵandyqtan, ol úı ıesimen birge gaz ballonyn evakýatsııalaý týraly sheshim qabyldady. Gaz ballonyn shyǵarý kezinde gaz-aýa qospasynyń tutanýy oryn alyp, 40 sharshy metr alańda turmystyq zattar janǵan. Oqıǵa ornynda 8 adam bolǵan.
Órt sóndirýshiler kelgenge deıin kúıik shalyp, 1957 jyly týǵan úıdiń ıesi aýrýhanaǵa jatqyzyldy, onyń denesiniń 35%-yn kúıgen. Al 1985 jyly týǵan TJ basqarmasy qyzmetkeriniń betin, aıaq-qoldaryn kúıik shaldy.
Órt sóndirýshilerdiń kúshimen 1937 jyly týǵan áıel tereze arqyly evakýatsııalandy jáne Apattar medıtsınasy ortalyǵynyń qyzmetkerlerine tapsyryldy, medıtsınalyq kómekke muqtaj emes. Órtti sóndirýge 18 qyzmetker men 5 birlik tehnıka jumyldyryldy.
