Tótenshe jaǵdaılar qyzmetin baıandaıtyn kórme uıymdastyryldy

«Qazaqstan Respýblıkasynda azamattyq qorǵanys júıesin jetildirý jónindegi sharalary týraly» degen taqyryp boıynsha ótken Úkimet saǵatynyń aldynda Tótenshe jaǵdaılar mınıstri Vladımır Bojko Májilis depýtattaryna kórmeni tanystyrdy. Mınıstr ózi basqaratyn salanyń búgingi jetistigi, adamdardy apatty jaǵdaı kezinde qutqarý sharalarynyń jedel atqarylýy jóninde áńgimelep berdi.

Kórmede tótenshe jaǵdaılar salasynda eńbek etetin mamandardy daıarlaý isi, qutqarý-ınjenerlik ortalyǵynyń qyzmeti jáne basqa da mınıstrliktiń jumysy sala-sala boıynsha jeke-jeke fotosýretter arqyly jarııa etilgen.

Oryn alǵan apattar kezinde tikushaqpen qutqarý tásilderi kórsetilgen. Sýǵa ketkenderdi qutqarý, qyzmetkerlerdiń órtpen kúresý sátteri beınelengen.