Tótenshe jaǵdaılar qyzmeti Almaty metrosynda oqý-jattyǵý sharalaryn ótkizdi
ALMATY. 18 aqpan. QazAqparat - Almatyda búgin túnde tótenshe jaǵdaı mamandary Almaty metrosynyń Abaı stansysynda oqý-jattyǵý sharalaryn ótkizip, tosyn jaǵdaı týa qalǵan sátke qanshalyqty daıyn ekendikterin pysyqtady.
Oqý-jattyǵý sharalaryna Almaty qalasynyń Tótenshe jaǵdaılar departamenti, Órt sóndirý basqarmasy, medıtsına qyzmeti, Almaty qalasynyń qutqarý qyzmeti, QR TJM-ǵa qarasty respýblıkalyq jedel-qutqarý jasaǵy, qoǵamdyq tártipti qorǵaý qyzmeti jáne taǵy da basqa Almaty qalasynyń qutqarý qyzmetteri qatysty. Jattyǵý jospary boıynsha olar metronyń ekinshi vagonynda oryn alǵan órtti zalalsyzdandyryp, adamdardy qaýipsiz jerge shyǵardy. Polıtsııa qyzmetkerleri oqıǵa bolǵan oryndy qorshaýǵa alsa, jol polıtsııasy jol qozǵalysyn rettep, arnaıy tehnıkalardyń ótýine jol ashty. Kireberiste jolaýshylardy qarsy alǵan psıhologtar men dárigerler qajetti birinshi medıtsınalyq kómek kórsetti. Órt aýyzdyqtalǵannan keıin aýanyń qanshalyqty zalaldanǵany anyqtaldy.
Atalmysh shara tótenshe jaǵdaı qyzmetteriniń daıyndyǵyn pysyqtap, jumystyń sapasyn arttyrý úshin arnaıy ótkizildi.
