Tótenshe jaǵdaılar komıtetiniń jeke mınıstrlik bolýǵa tolyq quqy bar - Muhtar Qul-Muhammed
NUR-SULTAN. QazAqparat - Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed jeke Tótenshe jaǵdaılar mınıstrligin qurýǵa qatysty pikir bildirdi, dep habarlaıdy QazAqparat tilishisi.
«Kóptegen memleketterde jeke mınıstrlik bolyp otyrǵan Tótenshe jaǵdaılar mınıstrligi deıtin úlken vedomstvo bar. Eger Qazaqstannyń jer kólemi álemdegi toǵyzynshy memleket deıtin bolsaq, onda mundaı úlken memlekette Tótenshe jaǵdaılar jónindegi komıtettiń jeke-dara mınıstrlik bolýǵa tolyq quqy bar. Ázirge, bul sala Іshki ister mınıstrliginiń quramynda bolyp otyr. Mine, sol sebepti bul mınıstrliktiń jumysy Senattyń nazarynda bolǵan jáne bolyp qala beredi», - dedi M. Qul-Muhammed Parlament Senatyndaǵy Úkimet saǵatynda 2019-2021 jyldarǵa arnalǵan ishki ister organdaryn jańǵyrtý boıynsha Jol kartasyn iske asyrý taqyrybyn talqylaý barysynda.
Budan buryn habarlanǵandaı, Senattaǵy Úkimet saǵatynda QR Іshki ister mınıstri Erlan Turǵymbaev polıtseılerdiń sany 11 paıyzǵa qysqartylǵanyn aıtty.
