Tótenshe jaǵdaılar komıteti sý tasqyny bolýy múmkin óńirlerdi atady
ASTANA. QazAqparat - Kóktemde bolýy múmkin sý tasqyny tótenshe jaǵdaıyna qutqarý tehnıkasy tolyq daıarlyqta tur. Bul týraly QazAqparat tilshisine QR ІІM Tótenshe jaǵdaılar komıtetinen habarlady.
«Kóktem kezinde tótenshe jaǵdaılarǵa shuǵyl áreket etý úshin mınıstrdiń buıryǵymen QR Іshki ister mınıstrliginiń kúshterinen jasaqtalǵan top quryldy. Bul baǵytta 9 myńǵa tarta adam men 1 myńnan astam tehnıka, ıaǵnı onyń ishinde 16 áýe kemesi jáne 220 júzetin qural qamtyldy. Osy oraıda jergilikti atqarýshy organdardyń kúshteri eseptelip otyrǵan joq», - deıdi komıtet ókilderi.
Elimiz boıynsha Qazgıdromettiń aldyn ala boljamyna toqtalatyn bolsaq, ásirese, Aqmola, Aqtóbe, Qostanaı, Qaraǵandy jáne Soltústik Qazaqstan oblystarynda bıyl kóktemde qar sýynyń eleýli kólemi boljanyp otyr.
Sonymen qatar tasqyn sýǵa qatysty qaýip Shyǵys Qazaqstan jáne Almaty oblystarynda da bolýy yqtımal. Sebebi, ózen basseıinderi men Jetisý jáne Іle Alataýy jotalarynda jınalǵan qardyń deńgeıi ótken jylǵa qaraǵanda 1,5 esege artyq bolyp otyr.
Kún kúrt jylynǵan jaǵdaıda sý basý basýdyń táýekeli Qaraǵandy, Aqmola, Soltústik Qazaqstan oblystaryndaǵy Esil, Nura, Sarysý jaǵasynda ornalasqan eldi mekenderinde týyndaýy múmkin.
«Barlyǵy temperatýralyq fonǵa baılanysty bolyp otyr. Esterińizde bolsa, ótken jyldardaǵy sý tasqyny kúnniń kúrt jylynýy saldarynan oryn alǵan edi.Bundaı jaǵdaıda jer ylǵaldy sińirip úlgermeıdi», - delingen komıtet aqparatynda.
Komıtet málimetinshe, elorda aýmaǵynda erigen qardyń artyq sýy Astanada mańynda salynǵan sý rettegishte jınaqtalady. Byltyr onda 249 mln. tekshe metr sý jınalyp, elordany tasqyn sýdan qorǵaýǵa múmkin boldy.
