Tótenshe jaǵdaılar qaýip-qaterin azaıtý máselesi talqylandy

ASTANA. QazAqparat - 25 tamyzda Tótenshe jaǵdaılar jáne zilzalalar qaýip-qaterin azaıtý jónindegi ortalyqtyń dırektory Valerıı Petrov BUU DB Eýropa jáne TMD úshin Óńirlik bıýrosy óńirlik ortalyǵynyń Ystambul keńsesiniń ókilderi - tótenshe jaǵdaılar jáne klımattyń ózgerýi jónindegi klaster basshysy Armen Grıgorıanmen jáne erte aldyn alý men den qoıý jáne klımattyń ózgerýi júıesinde qalpyna keltirý baǵdarlamalary jónindegi maman Stanıslav Kımmen jumys kezdesý - beınekonferentsııa ótkizdi.

QR ІІM TJ komıtetiniń baspasóz qyzmetiniń habarlaýynsha, kezdesýde Ortalyqtyń BUU DB Eýropa jáne TMD úshin Óńirlik bıýrosymen yntymaqtastyǵy jáne tyǵyz ózara is-qımylyn keńeıtý máseleleri talqylandy.

Kezdesý barysynda Almaty qalasyndaǵy Ortalyqta emlekettik qurylymdardy, halyqaralyq jáne úkimettik emes uıymdardy, ǵylymı mekemeler jáne Ortalyq Azııa jáne Ońtústik Kavkaz elderiniń azamattyq qoǵamyn shaqyryp, eki trenıngti birlesip ótkizý týraly ýaǵdalastyqqa qol jetkizdi.

Sondaı-aq taraptar Ortalyqtyń jáne BUUDB Eýropa jáne TMD úshin Óńirlik bıýro Óńirlik Ortalyǵynyń óńirlik deńgeıde zilzalalar táýekelin azaıtý máseleleri boıynsha birlesken jobalyq usynysyna bastamashylyq jasaý jáne ony daıyndaý týraly ýaǵdalastyqqa keldi.

Valerıı Petrov BUU DB Eýropa jáne TMD úshin Óńirlik bıýro Óńirlik Ortalyǵynyń ókilderine kórsetken qoldaýlary úshin jáne qol jetkizgen ýaǵdalastyqtary budan ári tabysty yntymaqtastyqtaryna jańa serpin beredi degen senimderi úshin rızashylyq bildirdi.

Eske sala ketsek, Tótenshe jaǵdaılar jáne zilzalalar qaýip-qaterin azaıtý jónindegi ortalyq Qazaqstan Respýblıkasynyń Prezıdenti N.Nazarbaevtyń tapsyrmasy boıynsha qurylǵan.

Ortalyqtyń negizgi mendetteri - memleketterdegi tótenshe jaǵdaılardyń aldyn alý jáne olardy joıý ulttyq júıelerin damytý jáne jetildirý, óńirlik kúshter men quraldardy kelisip basqarý, tabıǵı jáne tehnogendik ǵalamdyq, sondaı-aq transhekaralyq apattar boıynsha halyqaralyq monıtorıngtik júıelerge qatysý bolyp tabylady.