Tótenshe jaǵdaılar departamenti almatylyqtarǵa aıazǵa baılanysty eskertý jasady
ALMATY. QazAqparat - 25 gradýsqa deıin jetken qatty aıazǵa baılanysty TJD mamandary Almaty turǵyndaryn qala syrtyna shyqpaýǵa jáne jyly kıinýge shaqyrdy, dep habarlaıdy QazAqparat tilshisi.
Sınoptıkterdiń boljamyna sáıkes, 12-16 qańtar aralyǵynda megapolıste aýa temperatýrasy -25 gradýsqa deıin tómendeıdi. Bul Almaty qalasy úshin qaýipti meteorologııalyq qubylysty bildiredi.
«Osyǵan baılanysty, Almaty qalasynyń Tótenshe jaǵdaılar departamenti turǵyndardan qysqy kezeńde saqtyq sharalaryn ustanýdy suraıdy. Kóshege uzaq serýendemeńiz, qajetsiz qaladan tys jerlerge barmańyz, kóshege shyqqanda jyly kıinińiz»,- delingen habarlamada.
Sonymen qatar, vedomstvo múddeli memlekettik organdar men uıymdarǵa halyqtyń tynys-tirshiligin qamtamasyz etý obektilerine baqylaýdy kúsheıtý boıynsha qosymsha sharalar qabyldaý týraly aqparattyq habarlamalar jiberdi.
Buǵan deıin 12-13 qańtarda Almatyda mektep oqýshylary men kolledj stýdentteri qashyqtan oqý formatyna kóshkeni týraly jazǵan bolatynbyz.
