Tótenshe jaǵdaılar departamenti: Almatyda kólikti arnaıy oryndarǵa qoıý kerek
ALMATY. QazAqparat - Almaty tótenshe jaǵdaılar departamenti aýa raıyna baılanysty almatylyqtarǵa úndeý joldady, dep habarlaıdy QazAqparat tilshisi.
Almaty qalasy tótenshe jaǵdaılar departamenti kólik ıelerine jeke mashınasyn arnaıy avtoturaqtarǵa qoıýǵa keńes beredi.
Vedomstvo turǵyndarǵa kólikti aǵashtardyń, elektr jelileriniń jáne basqa da ilinip turǵan qurylymdardyń astyna qoımaý kerektigin eskertedi.
Buǵan deıin Almatyda qar jaýyp, kún sýytatynyn jazǵan bolatynbyz. Búgin qalada qar jaýdy.
Qazgıdromettiń boljamy boıynsha qazan aıynyń 5, 6, 7 kúnderi Almatyda qar aralas jańbyr jaýady.
Aýa temperatýrasy 0, +4 gradýsqa deıin tómendep, azdap kóktaıǵaq bolýy múmkin.
Megapolıstiń kommýnaldyq qyzmeti qysqa 100 paıyz daıyn.
