Tótenshe jaǵdaıdyń ózinde bıznes ashýǵa 37 myń ótinim tústi - Shyńǵys Ahmetov

NUR-SULTAN. QazAqparat - Elimizde tótenshe jaǵdaı rejımi kezinde jeke kásipkerlik ashýǵa 37 myńǵa jýyq ótinim tústi. Bul týraly QR Ulttyq ekonomıka mınıstrligi kásipkerlikti damytý departamentiniń dırektory Shyńǵys Ahmetov aıtty, dep habarlaıdy QazAqparat tilshisi.

«Statıstıka komıtetiniń aqparatyna sáıkes, osy jyldyń birinshi jartyjyldyǵynda kásiporyn ashý úshin shamamen 90 myń kásipkerlik sýbektisinen ótinim tústi. Onyń ishinde shamamen 16 myńy - zańdy tulǵalardan, 74 myńy - jeke kásipkerlerden túsip otyr. 2020 jyldyń ekinshi toqsanynda, ıaǵnı, bıznes ashýǵa jáne júrgizýge barynsha kúrdeli kezeńde 37 myń ótinim, onyń ishinde zańdy tulǵalardan - 6 300, jeke kásipkerlerden - shamamen 30 myń ótinim berildi», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, shaǵyn jáne orta bıznesti qoldaýǵa baǵyttalǵan birqatar sharalar qabyldanyp, nátıjesinde bul salada oń qarqyn baıqalyp otyr.

«Shaǵyn jáne orta bızneske basa nazar aýdarylýda. Birqatar qoldaý toptamasy qabyldanyp, sonyń nátıjesinde oń qarqyn baıqalady. Osy jyldyń qańtarymen salystyrǵanda 1 maýsymdaǵy jumys istep turǵan kásipkerler sanyna keler bolsaq, qazirgi dınamıka saqtalyp otyr. Tipti bıznes sany boıynsha 0,2 paıyzǵa ósim bar. Sondyqtan keı óńirlerde teris trend baıqalǵanymen, búkil elimiz boıynsha bıznes sanyna qatysty oń kórsetkish baıqalady», - dedi Shyńǵys Ahmetov.