Tótenshe jaǵdaıdyń aldyn alý isinde aıtarlyqtaı olqylyqtar bar - Toqaev

ASTANA. KAZINFORM – Memleket basshysy Qasym-Jomart Toqaevtyń Aqordada ótip jatqan Ǵylym jáne tehnologııalar jónindegi ulttyq keńestiń otyrysynda tótenshe jaǵdaıdyń aldyn alý isinde aıtarlyqtaı olqylyqtar bar ekenin atap ótti.

Prezıdenttiń sózinshe, barlyq salaǵa ınnovatsııalyq tásilder engizý úshin qolaıly jaǵdaı jasalady. Bul rette birqatar ózekti máseleni nazarǵa alý kerek. 

Birinshiden, ǵylymnyń áleýetin tehnogendik jáne tabıǵı apattardy boljaý, klımattyń ózgerýine qarsy kúresý úshin barynsha paıdalaný mańyzdy.

Ǵylymdy memleket damýynyń ózekti máselelerinen bóle-jara qarastyrýǵa bolmaıdy. Ony el men qoǵam ıgiligi úshin tıimdi paıdalaný qajet. Ǵylym dereksiz, ıaǵnı abstraktili emes, naqty qoldanbaly, kúndelikti ómirde paıdasy mol sala bolýǵa tıis. Ǵylymı negizsiz jasalǵan sharýanyń saldary aýyr bolýy múmkin. Muny ómirdiń ózi dáleldep otyr.

Apatty ǵylymı turǵydan boljaý, onyń yqtımaldyǵy men áseriniń aýqymyn der kezinde baǵalaý óte mańyzdy. Sý tasqyny, orman órti jáne Almatydaǵy jer silkinisi osyny aıqyn ańǵartty.

«Ashyǵyn aıtsaq, tótenshe jaǵdaıdyń aldyn alý isinde aıtarlyqtaı olqylyqtar bar. Bul – jyldar boıy sheshimin tappaǵan máseleler. Eń aldymen – bilikti mamandardyń tapshylyǵy. Tıisti ǵylymı qorytyndy sapaly jasalmaıdy. Sondyqtan jumys tásilin túbegeıli ózgertý kerek»,-dedi Prezıdent.