Tótenshe jaǵdaıdan saqtaný qaǵıdalary - QR TJM
ASTANA. 6 jeltoqsan. QazAqparat - Ótken jyldyń qysqy kezeńi qabyldanyp jatqan sharalarǵa qaramastan, azamattar ózderiniń ǵana emes týǵan-týystarynyń da ómirin qaterge tigip joldar jabyq bolǵan kezde aınalyp ótetin joldardy taýyp qıyn jaǵdaılarǵa tap bolatynyn, tótenshe jaǵdaılardyń týyndaıtynyn taldaý kórsetti, dep habarlaıdy QR TJM.
Kóp jaǵdaılarda, eger qarapaıym abaısyzdyq sharalaryn saqtaǵan bolsa, olardy boldyrmaýǵa bolar edi.
Daýyldyń aldyn alý týraly habarlama arqyly qozǵalysqa shekteý qoıyp, úıge azyq-túlik, sý men otyn qoryn toltyryp alý qajet. Qar borasyny adam turatyn jerden alys jolda qalǵan adamdarǵa qaýip týdyrady. Ádette qar basyp qalǵan joldar, kórinýdiń nasharlaýy jergilikti jerde baǵdardyń bolmaýyna ákep soqtyrady.
Borandy kúni qar astynda qalyp qoıý qaýpi bar. Ondaı kezde jyly kıim-keshekterińizdi kıip, arqańyzdy jelge qaraı berip otyryńyz da, polıetılen jamylyńyz, sosyn siz bireýdi, al bireýler sizdi kórýi jáne aýa kirýi úshin basqan qardan jol kórinetindeı tesik jasaǵan abzal, sóıtip jınalǵan qardyń arasynan kez kelgen ýaqytta shyǵýǵa múmkindik jasaý kerek.
Qalyń qardan jasalǵan panaǵa otyrǵanǵa deıin jaqyn jerdegi eldi mekenge barýǵa baǵdar izdeý jáne olardyń ornalasýyn este saqtaý qajet. Qolda bar materıaldardan jolaqsha jasap, qardan jasalǵan pananyń ishine baǵdar jasaý kerek. Aqboran jergilikti jerdiń syrtqy beınesin ózgertip jiberýi múmkin ekenin esten shyǵarmańyz, eger ózińizdiń aldaǵy baǵdaryńyzdy jasap almasańyz, keıin joldy tabý qıynǵa soǵady.
Aqborannyń basylýyn aıaqpen tik turyp kútýge bolmaıdy. Erte me, kesh pe baǵdardan aıyrylyp qalý, sharshaý, demalýǵa otyrý jáne tońý qaýpi bar.
Eger daýyl kezinde siz kóshede qalsańyz, sizge dereý qandaı da bolmasyn berik úı-jaıǵa tyǵylý qajet. Qıraýǵa jaqyn turǵan úı-jaıǵa kirmeńiz. Qandaı jaǵdaı bolmasyn, jarnama qalqandarynyń artyna, avtobýs aıaldamasyna, aǵash túbine, úı qabyrǵalary janyna tyǵylmańyz, sebebi shıfrler qulaýy múmkin. Elektr berý jelileriniń astyna turmańyz.
Avtomobıldegi tergeý kezinde borasynnan qutylýdyń amalyn jasamańyz, toqtap, avtomobıldi yqqa qaraı ornalastyrý kerek. Ara-arasynda mashınadan shyǵyp turý qajet, qardyń astynda qalmaý úshin ony tazalaý kerek. Qar astynda qalmaǵan avtomobıl qutqarýshylar úshin jaqsy baǵdar. Sondaı-aq gaz shyǵatyn trýbanyń qar astynda qalmaýyna erekshe kóńil bólý qajet, ol úshin oqtyn-oqtyn avtomobıl qozǵaltqyshyn iske qosyp otyrý kerek.
Eger jolda birneshe adam qalsa (birneshe avtomobılde) barlyqtaryna bir avtomobılde jınalyp otyryp, panalaý orny retinde bir kólikti paıdalanǵan jón.
