Tótenshe jaǵdaıdan bıznes sany qanshalyqty qysqarǵany esepteledi

NUR-SULTAN. QazAqparat - Qajet bolǵan jaǵdaıda shaǵyn jáne orta bıznesti qoldaýdyń qosymsha sharalary qarastyrylady. Bul týraly Ortalyq kommýnıkatsııalar qyzmetindegi brıfıngte QR Ulttyq ekonomıka vıtse-mınıstri Mádı Taqıev aıtty, dep habarlaıdy QazAqparat tilshisi.

Onyń aıtýynsha, elimizde 1 maýsymǵa deıin shaǵyn jáne orta bıznes sýbektileri úshin salyq jáne ózge de tólemderdi tóleý merzimi shegerilgen. Buǵan qosa, Memleket basshysy shaǵyn jáne orta bıznes ókilderin bıylǵy 1 qazanǵa deıin eńbekaqy tóleý qorynan ustalatyn salyqtan bosatýdy tapsyrdy.

«Al bul jeke tabys salyǵy, áleýmettik salyq, mindetti zeınetaqy jarnasy, jarnalar men mindetti medıtsınalyq saqtandyrý tólemderi jáne áleýmetti tólemder syndy salyq pen tólemderdiń 5 túrin qamtıdy», - dedi vıtse-mınıstr.

Sonymen qatar Mádı Toqıev bıznes ókilderine salyq jáne ózge tólemderdi tóleý merzimin keıinge qaldyrý aıtarlyqtaı qoldaý ekendigin basa aıtty.

«Degenmen, ilgeride qoldaýdyń qosymsha sharalary da qarastyrylyp qalýy yqtıal», - dedi ol.

Munan bólek, vıtse-mınıstr elimizde tótenshe jaǵdaı engizilýine baılanysty qansha bızestiń óz qyzmetin toqtatqandyǵyn sanaý, esepteý jumystary júrgizilip, jyl sońynda naqty deregi jarııa etiletindigin eskertti.