Tótenshe jaǵdaıda baılanys operatorlary abonentke qatysty derekterdi usynady
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi áleýmettik, tabıǵı jáne tehnogendik sıpattaǵy tótenshe jaǵdaılar týyndaǵanda baılanys operatorlary ýákiletti organǵa abonenttiń ornalasqan jerine qatysty jıyntyq derekterdi berý qaǵıdalaryn bekitti.
Qaǵıdalar Qazaqstan aýmaǵynda qyzmet etetin barlyq baılanys operatorlaryna jáne baılanys jelilerine qoldanylady.
Ýákiletti organ abonentke qatysty derekterdi alý úshin baılanys operatorlaryna nemese baılanys jelileriniń ıelerine (memlekettik organnyń aqparattyq júıeleri, ınternet-resýrstary arqyly) suraý jiberedi.
Biriktirilgen derekterge mynalar jatady:
- Ornalasqan jeri (abonenttiń ornalasqan jeri);
- Abonentterdiń jalpy sany.
Jedel shtab áleýmettik sıpattaǵy tótenshe jaǵdaılardyń aldyn alý jáne olardy joıý maqsatynda baılanys operatorlaryna nemese baılanys jelileriniń ıelerine jıyntyq derekterdi alý úshin suraýdy derbes jiberedi.
Suraýda ótinishtiń maqsaty, sondaı-aq biriktirilgen derekterdi berý merzimi kórsetiledi. Sol sııaqty suraý elektrondy nemese hat túrinde jiberiledi.
«Baılanys operatorlary men jeli ıeleri ýákiletti organnan suraýdy alǵannan keıin 3 saǵattyń ishinde jıyntyq derekterdi usynady», - delingen buıryq mátininde.
Ýákiletti organ qajet bolǵan jaǵdaıda jıyntyq derekterdi alǵannan keıin olardy «Azamattyq qorǵaý týraly» Zańnyń 8-babyna sáıkes azamattyq qorǵaý qyzmetine jiberedi.
Buıryq 2025 jylǵy 7 qańtardan bastap qoldanysqa engiziledi.
