Tótenshe jaǵdaı jáne reısterdiń toqtatylýy: Meksıkada tártipsizdikter jalǵasyp jatyr
ASTANA. KAZINFORM — Álemdegi eń izdeýdegi esirtki barondarynyń biri Nemezıo Osegera Servantestiń ólimi Meksıkada qaqtyǵystar men zorlyq-zombylyq tolqynyn týdyrdy. El boıynsha baqylaý beketteri ornatyldy, áýe kompanııalary jergilikti áýejaılarǵa reısterdi ýaqytsha toqtatty, al bılik turǵyndardy jaǵdaı turaqtanǵansha úıde bolýǵa shaqyryp jatyr, dep habarlaıdy Kazinform.
«Qaýiptiliktiń qyzyl dabyly»
Jeksenbi kúni Meksıkanyń batysyndaǵy keıbir aýdandarda áskerı operatsııa aıasynda qaqtyǵystar kúsheıdi. Operatsııa barysynda «Halıskonyń jańa býyny» narkokarteliniń jetekshisi joıyldy. Bul jaǵdaı óńirdegi qaýipsizdikke qatysty keń aýqymdy alańdaýshylyq týǵyzdy.
Bedeldi narkobaronnyń óltirilýi Meksıkanyń birneshe shtatynda saǵattar boıy jalǵasqan, kólikter órtelgen blokbeketterdiń qoıylýyna túrtki boldy. CBS News málimetinshe, kartelder bul taktıkany áskerı operatsııalardy toqtatý úshin jıi qoldanady.
Halısko shtatynyń gýbernatory Pablo Lemýs Navarro kartel músheleri men Meksıka qarýly kúshteri arasyndaǵy qaqtyǵystar faktisin rastady. Onyń aıtýynsha, qaýipsizdik kúshteriniń kelýine jaýap retinde kartelmen baılanysy bar belgisiz adamdar kólikterdi órtep, operatsııanyń júrgizilýine bóget jasaý úshin joldardy jaýyp tastaǵan. Gýbernator qaqtyǵystarǵa jaýap retinde «qyzyl kod» — tótenshe jaǵdaı nemese qaýipsizdik daǵdarysy týraly habarlaıtyn hattama engizdi. Ol shtat boıynsha qoǵamdyq kólik toqtatylǵanyn jarııalap, turǵyndardan jaǵdaı baqylaýǵa alynǵansha úıden shyqpaýyn surady.
Meksıka qaýipsizdik agenttigi jeksenbi kúni keshke el boıynsha 252 blokada tirkelgenin habarlady. Agenttiktiń málimetinshe, Halısko shtatynda 65 baqylaý beketi bolǵan, bul bir aýmaqtaǵy eń kóp san.
Áleýmettik jelilerde Halısko shtatyndaǵy iri qala Pýerto-Valıarta ústinde tútinniń kóterilip jatqanyn jáne shtat astanasy áýejaıyndaǵy dúrbeleń týdyrǵan qozǵalysty kórsetetin beınejazbalar tarady.
Birneshe áýe kompanııasy Pýerto-Valıarta áýejaıyndaǵy jumysyn ýaqytsha toqtatty.
— Biz jaǵdaıdy baqylap, máseleni sheshý úshin jumys istep jatqan jergilikti bılik organdarymen baılanys ornatyp jatyrmyz, — dep málimdedi Air Canada áýe kompanııasy.
Due to an ongoing security situation in Puerto Vallarta impacting the @VallartaAirport, Air Canada has temporarily suspended operations there today. We are monitoring the situation and in contact with local authorities who are working to resolve the issue. (1/2) pic.twitter.com/BqV0hGIL4l
— Air Canada (@AirCanada) February 22, 2026
Tártipsizdikter sondaı-aq Halısko shtatynyń astanasy jáne Meksıkanyń ekinshi úlken qalasy Gvadalaharada bastaldy. Bıyl jazda bul qalada álem chempıonatynyń matchtary ótedi dep josparlanǵan edi. Qazir bul jerde órtenip jatqan kólikter joldardy bógedi.
Meksıka prezıdenti Klaýdııa Sheınbaým Pardo áleýmettik jelilerde baqylaý beketteriniń bar ekenin moıyndady, biraq eldiń kóp bóliginde ómir qalypty jaǵdaıda ótip jatqanyn alǵa tartty.
La Secretaría de la Defensa Nacional reportó el operativo llevado a cabo esta mañana por fuerzas federales, que derivó en diversos bloqueos y otras reacciones.
— Claudia Sheinbaum Pardo (@Claudiashein) February 22, 2026
Existe absoluta coordinación con gobiernos de todos los estados; debemos mantenernos informados y en calma.
Las redes…
«Halısko jańa býyny» karteli nesimen tanymal
Eske sala ketsek, Meksıka Ulttyq qorǵanys mınıstrliginiń málimdemesine sáıkes, «Halısko jańa býyny» kartelin uzaq jyldar boıy basqarǵan «El Mencho» degen atpen tanymal Nemesıo Osegera Servantes jeksenbi kúni Halısko shtatynda áskerı kúshtermen qaqtyǵys kezinde jaraqat alyp, Mehıko qalasyna bara jatqan jolda qaza tapty.
#UltimaHora #Comunicado@Defensamx1 se hace del conocimiento a la opinión pública que, con trabajos de inteligencia militar central, del Centro Nacional de Inteligencia y de la Fiscalía General de República (FEMDO), Fuerzas Especiales del Ejército Mexicano planearon y…
— @Defensamx (@Defensamx1) February 22, 2026
Memlekettik qaýipsizdik kúshterimen tikeleı qaqtyǵystan qoryqpaǵan «El Mencho» Meksıkanyń eń qatygez qylmyskerleriniń biri retinde tanymal boldy.
«Halısko jańa býyny» karteli AQSh-qa fentanıl men basqa da esirtkilerdiń kóp mólsherin zańsyz tasymaldaýmen tanymal jáne Meksıkadaǵy eń qýatty jáne eń jyldam damyp kele jatqan qylmystyq uıymdardyń biri.
Kartel sonymen qatar óziniń asa qatygezdigimen de tanymal: onyń sodyrlary bir kezderi granata atqyshpen armııa tikushaǵyn atyp túsirgen, ondaǵan úkimet sheneýnikterin óltirgen jáne qarsylastaryn qorqytý úshin qurbandarynyń denelerin kópirlerge asyp qoıǵan.
AQSh barlaý aqparatyn usyndy
Aq úıdiń baspasóz hatshysy Kerolaın Levıtt áleýmettik jelilerde AQSh operatsııa úshin «barlaý aqparatyn usynǵanyn» málimdedi.
The United States provided intelligence support to the Mexican government in order to assist with an operation in Talpalpa, Jalisco, Mexico, in which Nemesio ‘El Mencho’ Oseguera Cervantes, an infamous drug lord and leader within the Jalisco New Generation Cartel, was eliminated.… https://t.co/iKxsAMmnLN
— Karoline Leavitt (@PressSec) February 23, 2026
Kartel kóseminiń ólimin rastaǵan AQSh Memlekettik hatshysynyń orynbasary Krıstofer Landaý ony «eń qanisher jáne qatygez esirtki barondarynyń biri» dep atady.
I’ve just been informed that Mexican security forces have killed “El Mencho,” one of the bloodiest and most ruthless drug kingpins. This is a great development for Mexico, the US, Latin America, and the world. The good guys are stronger than the bad guys./Los buenos somos más que…
— Christopher Landau (@DeputySecState) February 22, 2026
— Bul Meksıka, AQSh, Latyn Amerıkasy jáne búkil álem úshin keremet oqıǵa. Jaqsy jigitter jaman jigitterden myqtyraq, — dep jazdy ol X-te.
AQSh prezıdenti Donald Tramp meksıkalyq esirtki kartelderine shabýyl jasaý josparlaryn jarııalady. Osyǵan baılanysty Meksıka úkimeti olarǵa qarsy kúres naýqanyn kúsheıtti.
Osyǵan deıin Meksıka áskeri Halısko shtatynda kartel jetekshisi El-Menchony óltirgenin jazǵan bolatynbyz.
Sonymen qatar, QR Syrtqy ister mınıstrligi jappaı tártipsizdikter oryn alǵan Meksıkadaǵy jaǵdaıǵa baılanysty sol elge barǵan qazaqstandyqtarǵa úndeý jasady.