Tótenshe jaǵdaı jáne karantın kezinde mınıstrler qalaı jumys isteıdi

NUR-SULTAN. QazAqparat - QR Memlekettik qyzmet isteri agenttiginiń tóraıymy Anar Jaıylǵanova tótenshe jaǵdaı jáne karantın kezinde mınıstrler qalaı jumys isteıtindigin aıtty, dep habarlaıdy QazAqparat tilshisi.

«Menińshe mınıstrler qashyqtan jumys istemeıdi. Sebebi olar memlekettik organnyń basshysy ári búkil memlekettik organnyń jumysy úshin jaýapty», - dedi Anar Jaıylǵanova Ortalyq kommýnıkatsıchlar qyzmetindegi brıfıngte.

Aıta keteıik, keshe QR Prezıdenti janyndaǵy tótenshe jaǵdaı rejimin qamtamasyz etý jónindegi memlekettik komıssııa Nur-Sultan jáne Almaty qalalarynda COVID-19 taralýynyń kúrdeli jaǵdaıyn eskere otyryp, sondaı-aq Qazaqstannyń basqa qalalaryna koronavırýstyń taralýynyń aldyn alý maqsatynda Memlekettik komıssııa Nur-Sultan jáne Almaty qalalarynda qosymsha shekteý, aldyn alý jáne epıdemııaǵa qarsy sharalardy engizý týraly sheshim qabyldady. Atalǵan eki qala búgin saǵat 00:00-den karantınge jabylady.