Tótenshe jaǵdaı týraly Astana turǵyndary SMS arqyly habarlandyrylatyn boldy
ASTANA. 14 naýryz. QazAqparat - Zamanaýı tehnologııalardyń múmkindikterin eskere otyryp, Astana qalalyq Tótenshe jaǵdaılar basqarmasynyń qyzmetkerleri adamdardy tótenshe jaǵdaılar týraly habardar etýdiń jańa ádisin ázirledi.
Endi «Tele2» uıaly baılanysynyń abonentteri tótenshe jaǵdaı týraly alǵashqylardyń biri bolyp biledi. Bul týraly elordalyq TJD-nyń baspasóz qyzmetinen málim etti.
«Astanalyq TJD «Mobaıl Telekom-Servıs» JShS-nyń «Tele2» operatorymen Astanadaǵy jáne 20 shaqyrym qashyqtyqtaǵy qalamańy eldi mekenderindegi kompanııa abonentterine tabıǵı nemese tehnogendik sıpattaǵy iri tótenshe jaǵdaılar bolǵanda nemese onyń qaýpi týyndaǵanda sms-hattardy jappaı jáne jedel taratýdy uıymdastyrý jóninde kelisimge qol qoıdy», - delingen taratylǵan habarlamada.
Vedomstvonyń málimetterine sáıkes, elordalyq TJD Astana qalalyq Azamattyq qorǵanys jáne tótenshe jaǵdaılar týraly qulaqtandyrýdy qamtamasyz etý jáne baılanys qyzmetimen birlese osyndaı kelisimderdi ózge uıaly baılanys operatorlarymen jasaý boıynsha jumystar júrgizýde.
