Tótenshe jaǵdaı: Tarazda 360-tan astam bilim jáne sport mekemeleri jumysyn toqtatty
TARAZ. QazAqparat – Taraz qalasynda sanıtarlyq-epıdemıologııalyq is-sharalardy kúsheıtý baǵytynda mobıldik toptar 1154 nysan boıynsha reıdter júrgizdi. Nátıjesinde 361 bilim berý jáne sport mekemeleri óz jumysyn toqtatty, dep habarlaıdy QazAqparat oblys ákiminiń baspasóz qyzmetine silteme jasap.
Mamandandyrylǵan tórt uıym Taraz qalasyndaǵy barlyq aıaldamalarda kún saıyn dezınfektsııa jumystaryn júrgizýde. Bul boıynsha 42 adamnan turatyn 18 brıgada qurylǵan. Olar 12 tehnıkanyń kómegimen kúnine eki ret 513 avtobýs aıaldamasyn dezınfektsııalaıdy.
Jumys istep turǵan barlyq dámhana, meıramhana, qonaqúı, densaýlyq saqtaý uıymdary, dinı mekemeler, bazarlar, saýda ortalyqtary men dúkenderde dezınfektsııalyq is-sharalar ótkizilip, túsindirý aqparaty bar stendter men antıseptıkter ornatylǵan.
Adam kóp jınalatyn sot, halyqqa qyzmet kórsetý ortalyqtary, polıtsııa bólimderi, ýaqytsha ustaý ızolıatory jáne qabyldaý-taratý oryndarynda zalalsyzdandyrý sharalary atqarylǵan.
Taraz qalasyndaǵy 10 dárihanada kún saıyn 30 myń medıtsınalyq maska satylýda. Sonymen qatar, jergilikti kásipkerlerdiń bastamasymen tórt myńnan astam medıtsınalyq betperde daıyndalýyp, kópbalaly analarǵa tegin taratylýda.
