Tótenshe jaǵdaı shyǵynyn bıznesten tys kózderden óteý tetikterin oılastyramyz - Qanat Bozymbaev

ASTANA. KAZINFORM – Premer-mınıstrdiń orynbasary Qanat Bozymbaev Úkimet otyrysynda respýblıkalyq jáne jergilikti bıýdjetterdiń tótenshe jaǵdaılarǵa arnalǵan rezerv mólsheri naqty bekitiletinin aıtty.

«Ózderińiz biletindeı, sý tasqynnan barlyq zardap shekkenderge qysqa merzimde úılerdi satyp alý jáne salyp berýi tek iri otandyq kásipkerlerdiń arqasynda múmkin boldy. Olardyń qarjylaı qoldaýdyń arqasynda 260 mlrd teńge demeýshilik qarajat tartyldy. Bul jaǵdaıda bıznes úlken áleýmettik jaýapkershilik tanytty. Alaıda aldaǵy ýaqytta tótenshe jaǵdaılardan zardap shekkenderdiń shyǵyndardyń óteýdiń jańa sharalary men tetikterin qarastyrý qajet. Respýblıkalyq jáne jergilikti bıýdjetterdiń tótenshe jaǵdaıǵa arnalǵan rezervtiń tómendetilmeıtin somasyn aıqyndaý qajet», - dedi ol.

Vıtse-premer múlikti tótenshe jaǵdaıdan saqtandyrýdyń ońtaıly modeli kerek ekenin atap ótti.
Múlikti tótenshe jaǵdaıdan mindetti saqtandyrýdyń ońtaıly modelderin anyqtap, tabıǵı apat qaýpi bar aımaqtarda engizýdi bastaý qajet.

«Sonymen qatar, catastrophe bond-tar (saqtandyrý oblıgatsııasy – red.) mehanızmin engizý kerek», - dedi Qanat Bozymbaev.