Tótenshe jaǵdaı rejıminde operatorlar trafıkti baqylaýda ustaıdy
NUR-SULTAN. QazAqparat - Beeline trafıktiń qanshalyqty qoldanylyp jatqanyn baqylaýda ustaıdy. Bul týraly Ortalyq komýnıkatsııalar qyzmetinde ótken onlaın brıfıngte Beeline Qazaqstannyń bas atqarýshy dırektory Evgenıı Nastradın aıtty, dep habarlaıdy QazAqparat tilshisi.
«Tótenshe jaǵdaı rejımi engizilgen kezden bastap jalpy alǵanda júkteme 10% ósti. Bul aıtarlyqtaı shekten tys júkteme dep aıtýǵa kelmeıdi. Úı jaǵdaıyndaǵy Beeline qyzmetine qatysty júkteme aıtarlyqtaı joǵary. Ornalasqan aýdan, lokatsııasyna baılanysty júkteme eń kóp degende 30% ósti. Sondaı-aq, trafıkti anyqtaý kartasy da aıtarlyqtaı ózgerip ketti. Karantın rejımi engennen keıin adamdar úıde otyrǵandyqtan, ınternetke úı jaǵdaıynda tirkelýde. Sondyqtan úıden tirkelgen trafıkte aıtarlyqtaı ósim bar. Qala syrtyndaǵy aýyldar sııaqty ınternetke úıden qosylýǵa múmkindigi joq jerlerde mobıldi jelige túsetin júkteme kóp», - deıdi Beeline Qazaqstannyń bas atqarýshy dırektory Evgenıı Nastradın.
Ol osyndaı jaǵdaıǵa daıyndyq erterek bastalǵanyn aıtty.
«Qańtar aıynda Qytaıda epıdemııa tarala bastaǵan kezde qytaılyq tasymaldaýshylar qandaı jaǵdaı bolyp jatqany týraly aqparatpen bólisken bolatyn. Sondyqtan keıbir sharany qańtar, aqpan aıynda qabyldap qoıdyq. Biz tirek jeli, mobıldi jeli jáne tasymaldaý arnalarynyń kólemin keńeıte bastadyq. Qazirgi ýaqytta daıyndap qoıǵan rezerv jetedi. Beeline-ǵa qatysty apatty jaǵdaı tirkelgen joq. Trafıktiń qanshalyqty qoldanylyp jatqanyn baqylaýda ustaımyz jáne artyq júkteme boldyrmaýǵa kúsh salamyz», - deıdi ol.
Sonymen qatar ol Beeline 2020 jylǵa josparlanǵan jelini jańǵyrtý, arnalardy keńeıtý jáne apatty jaǵdaılardy qalpyna keltirý jumystaryn jalǵastyryp jatqandyǵyn aıtty.
«Jalpy alǵanda elimizdegi barlyq operatorlarmen birigip, myńnan astam eldi mekendi keń jolaqty ınternetpen qamtamasyz etýdi josparlaǵan bolatynbyz. Mysaly, Beeline bıyl qosymsha 76 eldi mekendi ınternetke qosty», - deıdi Beeline Qazaqstannyń bas atqarýshy dırektory Evgenıı Nastradın.
Ol jelimen qamtý – daǵdarysqa qarsy sharalarǵa qosqan jalǵyz úles emes ekenin jetkizdi.
«Biz tótenshe jaǵdaı kezinde bilim berý resýrstary úshin ınternettiń tegin qoljetimdi bolýyn qamtamasyz ettik. Beeline 16 myń dárigerdi lımıtsiz ınternetpen qamtamasyz etti. Zeınetkerler men múgedekter, basqasha aıtqanda áleýmettik tarıftegi 100 myńnan astam tutynýshyǵa tegin qyzmet usynyldy», - deıdi ol.
