Tótenshe jaǵdaı rejımin buzǵandar jaýapqa tartylady
NUR-SULTAN. QazAqparat – Elordalyq polıtseıler koronavırýstyq ınfektsııa týraly jalǵan aqparat taratpaýdy surady, dep habarlaıdy QazAqparat tilshisi.
Bul týraly Nur-Sultan qalasynyń polıtsııa departamentiniń basshysy Erjan Sádenov aıtyp berdi.
«Karantındik sharalardy júzege asyrýǵa tartylǵan ishki ister organdary qyzmetine túsinistik tanytyp, talaptaryn qatań saqtaýyńyzdy suraımyn. Osy sátti paıdalanyp, koronavırýstyq ınfektsııa týraly jalǵan aqparat taratý jaýapkershiligi týraly eskertkim keledi. Tótenshe jaǵdaı rejımi men karantındi buzý qylmystyq jáne ákimshilik jaýapkershilikke ákep soǵady», - dedi departament basshysy Ortalyq kommýnıkatsııalar qyzmetinde.
Onyń aıtýynsha, turǵyndardy mazalaǵan suraqtarǵa jaýap beretin arnaıy koll-ortalyq qurylady. Odan bólek, 109, 101, 102, 103 qyzmetteri jumys isteıdi.
Buǵan deıin karantın jarııalanǵan Nur-Sultan men Almaty qalalaryna blokposttar qoıylyp, kólik pen azamattardyń qozǵalysy shekteletini habarlanǵan edi.
Qalaǵa Nur-Sultan men Almatyda tıisti tirkeýde turǵan adamdar jáne qalalardyń ómirlik qyzmetterin qamtamasyz etýge qajet adamdar ǵana kiredi. Tizimdi ákimdikter anyqtaıdy .
