Tótenshe jaǵdaı rejımin buzǵan Qaraǵandy oblysynyń úsh turǵyny 10 kúnge qamaldy

QARAǴANDY. QazAqparat - Polıtsııa qyzmetkerleriniń eskertýine qaramastan keıbir azamattar tótenshe jaǵdaı rejıimn buzyp otyr. Tártip saqshylary TJ rejımin buzǵan úsh adamdy qamaýǵa aldy, dep habarlaıdy QazAqparat tilshisi.

4 sáýir kúni polıtsııa qyzmetkerleri men QM áskerı qyzmetshileri «Soqyr» beketin dala arqyly aınalyp ótýge tyrysqan 26 jastaǵy Qaraǵandy turǵynyn ustady. Jigittiń aıtýynsha, ol ata-anasymen urysyp, Balqash qalasyna deıin jaıaý ótkisi kelgen.

Polıtseıler ustaǵan taǵy bir 26 jastaǵy Nur-Sultan qalasynyń turǵyny 6 sáýir kúni Balqash qalasyna jumys babymen bara jatyp, óz avtokóligimen eki jolaýshyny blokpost arqyly ótkizbek bolǵan.

Sol kúni taǵy bir 42 jastaǵy er adam blokbeketten ótip ketpek bolǵan.

«Quqyq buzýshylarǵa qatysty barlyq faktiler boıynsha QR QK 476 baby 1 tarmaǵy boıynsha ákimshilik hattama jasaldy. Qaraǵandy qalasynyń mamandandyrylǵan aýdanaralyq ákimshilik sotynyń qaýlysymen tártip buzýshylardyń árqaısysy 10 táýlikke ákimshilik qamaýǵa alyndy», - dep habarlady Qaraǵandy oblysy PD baspasóz qyzmeti.

Qaraǵandy oblysynyń polıtsııa departamenti QR ÁQBK 476-babyna sáıkes karantındi buzǵany úshin aıyppul (10 AEK nemese 26510 teńge) nemese 15 táýlikke deıin qamaý kózdelgennin taǵy bir márte eskertedi.

Qaraǵandy oblysynda barlyǵy 18 blokpost pen 17 sanıtarlyq beket jumys isteıdi. Olardyń barlyǵy ashanaǵa arnalǵan úı-jaılarmen, demalys bólmelerimen, bıodárethanalarmen, sondaı-aq jumysqa qajetti tehnıkamen jáne jabdyqtarmen jabdyqtalǵan.

Jergilikti atqarýshy bılik organdary blokpost pen sanıtarlyq beketterde jumys isteıtinderdiń barlyǵyn úsh mezgil tamaqpen qamtamasyz etedi.