Tótenshe jaǵdaı rejımin buzǵan 16 myńnan astam qazaqstandyq ustaldy - mınıstr

NUR-SULTAN. QazAqparat –16 naýryzdan bastap Tótenshe jaǵdaı rejımin buzǵany úshin 16 myńnan astam adam ustaldy. Bul týraly QR Aqparat jáne qoǵamdyq damý mınıstri Dáýren Abaev málim etti, dep habarlaıdy QazAqparat tilshisi.

«16 naýryzdan bastap tótenshe jaǵdaı rejımin buzǵany úshin 16 myńnan astam adam ustaldy. Onyń ishinde 12 myńnan astamy ákimshilik jaýapkershilikke tartyldy. 4 myńnan astam materıal sot qaraýynda», - dedi mınıstr «Habar 24» telearnasynyń tikeleı efırinen.

Sonymen qatar, ol Іshki ister mınıstrligi indet juqtyrǵan adamdarmen baılanysta bolǵandardy anyqtaý jumystaryn júrgizip jatqanyn atap ótti.

«Densaýlyq saqtaý organdarynyń suraýy boıynsha polıtsııa 6,5 myńnan astam adamnyń turǵylyqty jerlerin anyqtady. Qazirgi kezde izdeý sharalary tek 7 adamǵa qatysty júrgizilýde», - dedi Dáýren Abaev.