Tótenshe jaǵdaı rejımi: ShQO oıyn-saýyq ortalyqtary tekserilýde

ÓSKEMEN. QazAqparat – Shyǵys Qazaqstan oblysynyń tártip saqshylary oıyn-saýyq ortalyqtaryna reıd júrgizdi, dep habarlaıdy QazAqparat.

ShQO Polıtsııa departamenti baspasóz qyzmetiniń málimetine súıensek, tekserý barysynda eshbir zańbuzýshylyq anyqtalmaǵan. Óńir kásipkerleri tótenshe jaǵdaıǵa oraı engizilgen shekteýlerge jaýapkershilikpen jáne túsinistikpen qaraýda.

«Qazirde iri saýda oryndary saǵat 10:00-den 18:00-ge deıin, al azyq-túlik satpaıtyn nysandar 11.00-den 17.00-ge deıin jumys isteýde. 22.00-ge deıin jabylýy tıis dámhanalar men meıramhanalardaǵy kelýshiler sany 50 adamnan aspaýy kerek. Tekserý jumystary aldaǵy ýaqytta da jalǵasyn tappaq. Osy talapty saqtamaǵandar QR Ákimshilik quqyq buzýshylyq týraly kodeksiniń 476-baby (tótenshe jaǵdaı rejımin buzý) boıynsha 10 AEK mólsherinde aıyppul tólep nemese 15 táýlikke qamaýǵa alynady», - dep habarlady vedomstvo ókilderi.