Tótenshe jaǵdaı rejımi merziminen buryn toqtatylýy da múmkin – Prezıdent keńesshisi
«Qazaqstan tótenshe jaǵdaıdy engizgen jalǵyz memleket emes. Tótenshe jaǵdaı tártibi AQSh, Italııa, Bolgarııa, Serbııa, Estonııa, Rýmynııa, Chehııa jáne basqa da elderde engizilgen. Birqatar memleketter vırýstyń taralýy keń etek jaıyp jáne jaǵdaı baqylaýdan shyǵa bastaǵan kezde ǵana tótenshe jaǵdaıdy engizýge májbúr boldy. Qazaqstandyq bılik tótenshe jaǵdaıdy aldyn alý sharasy retinde engizýde. Bul rette, bizdiń bılik jedel ári ilgeri áreket etýde. Tótenshe jaǵdaı rejımin engizý - ýaqytsha shara. Ol uzartylýy da múmkin», - dep jazdy Prezıdenttiń keńesshisi.
Onyń atap ótýinshe, elimizde epıdemıologııalyq jaǵdaı ýshyqpasa, onda tótenshe jaǵdaı rejimi merziminen buryn da toqtatylýy yqtımal.
«Biraq ázirge bárimiz — memlekettik organdar, bıznes pen azamattar jańa jaǵdaıǵa ıkemdelýi tıis. Basty basymdylyq — xalqymyzdyń densaýlyǵy», - dedi Erlan Karın.
