«Tótenshe jaǵdaı rejımi 24 qańtarǵa deıin uzartyldy» - aqparat jalǵan

NUR-SULTAN. QazAqparat – Telegram messendjerinde paıdalanýshylar eldegi tótenshe jaǵdaı rejımi 24 qańtarǵa deıin uzartyldy dep jazýda. Bul aqparat shyndyqqa janaspaıdy, dep habarlaıdy QazAqparat stopfake.kz saıtyna silteme jasap.

Búgingi tańda tótenshe jaǵdaı rejımin uzartý týraly resmı aqparat bolǵan joq.

«Qazaqstan boıynsha TJ rejımi 2022 jylǵy 19 qańtarǵa deıin engizildi», – dep málim etti Qazaqstan Prezıdenti janyndaǵy Ortalyq kommýnıkatsııalar qyzmeti.