Tótenshe jaǵdaı men karantın Ulttyq Keńestiń jumysyn toqtatpady

NUR-SULTAN. QazAqparat - Elde engizilgen tótenshe jaǵdaı men karantın tártibi kezinde Ulttyq keńestiń jumysy toqtap qalmady, kerisinshe onyń aıasynda qyzý jumystar ótip jatyr. Prezıdent keńesshisi Erlan Qarın osylaı málim etti, dep habarlaıdy QazAqparat.

«Ulttyq keńestiń músheleri jańa zań jobalary boıynsha jumys toptaryndaǵy talqylaýǵa qatysýda», delingen Ulttyq qoǵamdyq senim keńestiń Telegram -daǵy paraqshasynda.

Atap aıtqanda, Muhtar Taıjan, Erlan Saırov, Asylbek Qojahmetov, Ashat Sadyrbaı, Marat Báshimov, Murat Ábenov Májiliste qaralyp jatqan beıbit jıyndar týraly jańa zań jobasy boıynsha qurylǵan jumys tobynyń onlaın talqylaýyna kúndelikti qatysyp, usynystaryn engizýde. Sonyń arqasynda, jańa zań jobasynyń kóptegen normalary jetildirile tústi.